सगळं छोटं पब्लिक एकसारखंच गोंडस असतं नाही...आमच्या इथे कुत्री, मांजरं, पक्षी यांच्यासाठी एका भांड्यात पाणी भरून ठेवतो आम्ही. आसपास दोन चार अगदीच छोटी कु्त्र्याची पिल्लं आहेत. आज त्यातलं एक पिल्लू मस्त स्टाईल मध्ये आलं, बघू तरी काय आहे भांड्यात अशा थाटात. मग पाणी प्यावं असा एकदाचा भांड्या भोवती 4 फेऱ्या झाल्यावर विचार पक्का झाला त्याचा. आता आपण केवढे, पाणी किती, कसं प्यावं याचा विचार करण्याइतकं मोठं नाहीच ते. पटकन अख्खं तोंड त्या भांड्यात घातलं त्याने. पार डोळे, कपाळ भिजेतो. एक सेकंदाचा कारभार.असलं घाबरून बाहेर डोकं काढलं त्यानं आणि विचारात पडलं, नेमकं झालं काय मला..आणि मग परत 2 मिनिटे थांबून काळजीपूर्वक फक्त जिभेने पाणी नीट पिता येईल असं उभं राहिलं. मी त्या भिजलेल्या ध्यानाला बघून इतकी हसले, ते मात्र त्या बच्चा ला नीट कळलं.पाणी पिऊन आपण किती हुशार असा चेहरा करून गेलं तुरुतुरु...........😂😂😂